السلام عليكم جميعاً ,


طالبها شخص عزيز علي رجولةً وشعراً ، وهي تعبّر عن موقف متكرّر ....


ارجو ان تكون خفيفه على الاذواق ,,



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا ياخويّي خلّ الأعمال بالنيات=على منهج الخالق .. ومع سنة الهادي
حقيقه ترى الحسنات تقضي على السيات=لكن الدروب ثنين : سيده ومتحادي
وأنا والله إنّي مدري اللي تباه أيّات=لاصار أنت في وادي .. وصاحبك في وادي
لكن اقرب اقرب دوك .. ياحامي الهيات=عشان انتفاهم بيننا يابن الأجوادي
أبا أخبرك وجه لوجه .. من دون جاهيات=وأقول الحقيقه دامها شربي وْزادي
مابيني وبين اللي .. ينمّ اتفاقيات=لايقدر يصاحبني .. ولا يقدر يْعادي
ولا أفرّق الروحات عنده من الجيات=هاذي شغلته ماغير سرداد مردادي
ماعمره مشا فاضي .. حموله خياليّات=يشب الفتن .. ويشوفها كنّه حيادي
ترى الفرق واضح بين الآحاد والميّات=ولايشتبه فيهن .. سوى التايه الغادي
لو إن السوالف ماتسبّب حزازيّات=لقيت القبايل هاديه .. والوضع هادي
لكن ماش رجل ألاّ يجي فيه سلبيات=حقيقه .. ماهيب هروج دله وبرادي
سموم العقارب .. والثعابين .. والحيات=ماتفرق عن هروج الخطا ِسمّ الأكبادي
لاجاء حرف مخطي .. يعتبر عن عشر كيّات=على الكفو .. والمبدول تصبح معه عادي
وأنا شرهتي يقصر مداها عن العيات=وتلحق رجال العرف .. وقروم الأولادي
وأقدّم لهم شكراً وتقدير وتْحيات=وقاف القصيده .. ختمه المسك والكادي


/
\
/
\
وشكراً للجميع ،،، وسلامتكم .........عبدربه[/poem]

*
*