لـو إن السوالـف ماتسبّـب حـزازيّـات
لقيت القبايل هاديـه .. والوضـع هـادي
لكن ماش رجـل ألاّ يجـي فيـه سلبيـات
حقيقه .. ماهيـب هـروج دلـه وبـرادي
سموم العقارب .. والثعابيـن .. والحيـات
ماتفرق عن هروج الخطـا ِسـمّ الأكبـادي
لاجاء حرف مخطي .. يعتبر عن عشر كيّات
على الكفو .. والمبدول تصبح معه عـادي
وأنا شرهتي يقصر مداهـا عـن العيـات
وتلحق رجال العـرف .. وقـروم الأولادي
وأقـدّم لهـم شكـراً وتقديـر وتْحـيـات
وقاف القصيده .. ختمه المسـك والكـادي
يامال العافيه على ذالقصيده الموقفه والكلام الطيّب اللذي يدلّ على سموّ اخلاقك ونظرتك البعيده وكبر عقلك .... عزالله العزيز اني مبطي من القصيد الزين ياعبدربه وعزالله انك اطربت ذايقتي الى ابعد الحدود ... جزل وذرب الله لايضرك
صح الله السانك ولاهنت
اعجابي وتقديري لشخصك وشاعريتك الفذه
|