السلام عليكم




دعينا على جوال واحـد منسق
.......... ولا بات ليله لين دقه ب (فورمات)
( بيت لعبداللطيف الغامدي )

* واحد منسق !! ايس فيه بابا ؟ قرقر قرقر واجد ! سبحان الله دايم اقول هالآدمي يقصد والا يتمضمض !




شاعر ولي سطوه وهيبه وجمهور
.......... بدّلت احساس الغـرور بْتواضـع
( فهد عبدان )

* جمهور مره وحده يا ظالم ! بس تبي الصراحه انت ووليد العامودي لكم مستقبل زاهر بالتوفيق !



هاذي العين..بالسهْم البطوش!
,,,,,,,,,,,,,,,,,,, جابت العيد في سابك ذهب
( عبد الرزاق الذايبي )

* انت من يوم شفتك مصور مع جوالك بصوره رسميه ! وانا داري ان العيد جاي معك خلقه ! اسأل الله العظيم , رب العرش العظيم ان يشفيك ( عشر مرات ) والله كريم !




اول موضوع لي <-خايفه وهي تكتب
(عنوان موضوع لميثاء )

* لا لا تخافين .. ترى محد يدري انك مسجله بالواسطه ! ولا عندك الا الدجه !


الله عليك ياسداح
قصيدة رائعه بطرقها وقافيتها
واعترف لك ماقريتها بتمعن
( سعيد بن واحش يرد على قصيدة سداح )

* تقول : اعترف لك ماقريتها بتمعن .. اجل ليه الله عليك ! شوف يا اخ انت يا مع الخيل يا شقرا ! يا انك تبي تسجل في اللجنه المحتكه بسموه ولا عارف شلون !




ابن اعيينان ضحيّة لسرقة ادبيّة !!
( عنوان موضوع لرعد الشمري )

* والله انت اللي ضحيّه وجبت عيد الفطر بعد ! ساكت دهر ونطقت كفر ! وعلى فكره الفنان محمد السليمان يسلم عليك ويقول حسبي على من سجلك في المرقاب !




خلصت الاسئله
والله ان تقول عندي واجب
( غالب الشريف في لقاءه )


* واجب !! صح واجب واجد عليك ! انت وينك ووين اللقاءات ! دامك متابع ابن وسام وتركي الديحاني مع بعض عزالله الشرهه على اللي استضافك !




لولاي احسّب للملامه كـان اطنّـب بالصيـاح
وتصير قصـه كـل شاعـر لا سمـع غنّابهـا
( حجرف العصيمي )

* لا يا حبيبي طنّب طنّب .. على الاقل هنا معك عذر ! مهوب رايحن اطنّب فالفضائيات وتفضحنا مع اهل الفن الاصيل ! الا على طاري الفضاء ! الشمس كم تبعد عن الارض ؟