يا لايمـي مـن بعـض لومـك خلّنـي
انـا علـى اللـي مارجيـت الا رجـاه
ملّيـت مـن عـدّ الجـروح وملّـنـي
وقتي ولكن مـا رحمنـي مـن غثـاه
لـي موعـدٍ كنـت احتريـه وزلّـنـي
ابطـيـت قـدامـه وخـلانــي وراه
ليتـه تجمّـل يـوم حــلّ وحلّـنـي
ما كنت ابشكي معه من فقـدي سـواه
مالله كتـب لـي يـوم مـرّ يشلّـنـي
وانا قبل يلفـي علـيّ احسـب خطـاه
روّح ولا أشّر لـي (هنـاااااك) ودلّنـي
ولا سمـع ونـه تبيـن لــه غــلاه
احتلّنـي غـايـب وجــا واحتلّـنـي
واقفى وهـو محتلّنـي ويـش السّـواه
وامـا انـت ياغـالـي وراك تغلّـنـي
بالبعـد ياليـت السفـر حذفـة حصـاه
لاجيـك متعـنّـي عـسـاي لعلّـنـي
واسوم منـك الوصـل واثّمـن عطـاه
واقـول يـا مبعـد غيـابـك سلّـنـي
اعـط المريـض دواه وادر انــك دواه
اجمـع مواجيـعـي بـيـدك وفلّـنـي
واهجم علي اقرب حزن لي واشقر عصاه
ولـو بغيـت تغيـب تكـفـا خلّـنـي
في قلبك الطاهـر علـى طـول الحيـاه
الله يبيض وجهك ياشيخ
صح السااانك مليون على مليون ولا يكفون
تحياتي
عبدالله محمدالقثامي
|