حبيّب:
يارشيد انت امتكبر مـا تمـر ولا نمـرك
ما تنازل غير مرّه واحده ماعرف سببهـا

السفينه مبحره في البحر والموج ايتحرّك
وان غفل عنها الدريول دفّها الموج وقلبها

*

*

الزلامي:
خايفٍ من مرّةٍ يالشاعر الناشي تضرّك
خل الين اتشد رأس المرجله والا ذنبها

والله انك يا حبيّب لو تكافي الناس شرّك
اعتقد ما ضاقت الديره ولا شدّو عربها

*

*

حبيّب:
الزمان اللي ضحك لك بالثنايا لا يغرك
ثم تحسب انّك تخطّم قبلها وانت اتعقبها

والله اني يالزلامي محتسي حلوك ومّرك
نعنبوها لحيةٍ ما تحتمي ما قف شنبهـا

*

*

الزلامي:
يا حبيّب ما تبا منـا بريـره لـو نبـرّك
طامعاَ في خزنة الدنيا تبا تسرق ذهبهـا

انت لو تمسك طريقك والعواصف ما تفرّك
كان ذبّحت الرجال اللـي مثنيـةٍ ركبهـا

*

*

حبيّب:
ما بقى في خاطري يا كود علماَ ما يسرّك
العلوم الطيّبه بالعلـم الاول جيتـك ابهـا

بعد علّمت العرب يابـو عـرب لله درّك
ما بقى فوق العظام الباليات الا عصبهـا

*

*
الزلامي:
لو تموت الصبح قبل القايله ماونست حرّك
اعتبرها حاجةَ رفرف لها الطير ونهبهـا

يالزرار اللي بحلق الثوب لو حاولت ازرّك
رحت من شاني تجيب المـوت (.......)


*

*


حبيّب:
مايهم اصل المهم انك عليه مـا تفـرّك
والله انك ما تخطب البنت من قبل انخطبها

انت رجّالٍ على ذبح العرب قلبك يحـرّك
ثم تزاحمك العرب بسلومها ساعة غضبها

الوضع ماهوب يازينه وياطيبه
الله يستر علينا من عواقبها

ابليس يرقص ويومي في مشاهيبه
وام الكباير تليّم في مزاهبها


ومسيلمه قام يفتل روس اشانيبه
يهوش وينوش وعيونه يقلبها


nofi3e@hotmail.com