وصلتني من الشاعر/ بدر شامان المطيري
انشرها مع الرد لطلبها من بعض الاخوان هنا
ملاحظه
رايح يمر عليكم اسم الهوته في اخر قصيدتي
ولجل توضح الصوره لكم
الهوته هو / سعود الهوته قاضي محكمة دخنه الحالي
ياشذى عطر القصيـد اقبـل ورش بيوتـه
شفني ارسم قاعدة شعـر النبـط وابنيهـا
راكب اللي لمعـة السبـع علـى كبوتـه
ويش اوصفها ياربـي ويـش ابـا احليهـا
كنها شاطـي بحـر يـوم يتطـارد حوتـه
او كما خبرا على الطينـه صفـا صافيهـا
جيب لكسز برمجة سلفـه علـى ريموتـه
يستمـد اللـوان فضـيـه ويستمديـهـا
كن واجهته من اصناف الذهـب منحوتـه
لمعـة جنوطـه وبوديـه تمـرا فيـهـا
ان نطحته تقـل هـداف ٍ هدفـه يشوتـه
وان قفيته شبـه ذيـب ٍ غارتـه ناويهـا
وان تعرض كنـه اللـي سبقـه مفلوتـه
اشقر ٍ يهوي علـى الصيـده ولايخطيهـا
وداخلي الكشـن صالـة محتكـر تايوتـه
صالـة ٍ عبـد الطيـف بماحتـوت بانيهـا
ساع حطـت مويتـه ومرايتـه وزيوتـه
حي والله هالجيوب وحـي مـن يشريهـا
ان مشى صحرا من السرعه طغا طاغوتـه
وان مشى بالمدن حساده طغـى طاغيهـا
لو تحط اذنك لشكمانـه ماتسمـع صوتـه
يمكـن انـك تستشـك ودقتـه تثنيـهـا
سايقـه مافـت فـوق المرتبـه بسكوتـه
ولاعـرف طعـم الكبتشينـو ولايشريهـا
استدار مـن الريـاض وطرقتـه منعوتـه
المخـارج للقصيـم لياسـرى يعطيـهـا
ومع اذان الفجـر قـدام الصـلاة تفوتـه
واصل ٍ دخنـه صـلاة الصبـح ويصليهـا
وعقب ماصلى الصلاة الساعـه الموقوتـه
نحره كسـاب قولـة نعـم هـو راعيهـا
واحد ماصار عـرض لهرجـة الشاموتـه
فاتح ٍ بـاب المضيـف وكلمتـه حاميهـا
ماقعد يحسب خسايـر ماخسـر بكروتـه
ماحسـب مخسـار حايلهـا ولا حاشيهـا
لافي اللـي فايـت ٍ بالطيـب قبـل يفوتـه
ذخر قوم ٍ نهج حاضرهـا علـى ماضيهـا
ذخر حـرب أهـل فعـول ٍ كلهـا مثبوتـه
كاتـب التاريـخ يمليـهـا لمستمليـهـا
وعقب مانها ضيافته والعلم جـات وقوتـه
سلمه زرف القضيـه قـال انـا قاضيهـا
قصة المرسـل يفكـر والهمـوم تشوتـه
اسمع الدعـوى بصوتـه ليـن تستوفيهـا
اشتكي خسران ماني مـن خسـر بيلوتـه
خاسر عـذرا يهيـض خاطـري طاريهـا
مالهـا جـوال حتـى اسجلـه بالنـوتـه
بنـت بـدوان تصـبـح دار وتماسيـهـا
شفتها صدفه وبهـت وفرصتـي مبهوتـه
وقلـت ويـش انتـي وتاتعلـم ولايمديهـا
وعقبهـا تربـع ديرنـا والديـر موقوتـه
وتكثـر الحـوال نازلهـا علـى ماشيهـا
واتتبعـهـم وادور نزلـهـم لافـوتــه
جالهـا عاميـن يـالافـي ومتباطيـهـا
ويـوم جيـت ليالفريـق بويتـه وفروتـه
ولنها تزهـم علـى المقهـور ويباريهـا
واتحـرى فرصتـه فـي لفـة ٍ ملفوتـه
ودي اخذ عهدهـا وابـدي علـى واليهـا
ولاش فرصه والعرب شماتتـن مشموتـه
وخفت ممن يشعـل الفتنـه ومـن يحييـه
الله الله ياسلام
.صوت وصدى
شكرا الشاعر الكبير لافي حمود الغيداني وزميله على ذا القصايد الجزله وشاعرنا العلم لافي في غناء
عن التعريف
تقبل تحياتي وتقديري
اخوك حسين الدوسري
|