[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الموتر اللي ينوز ونوزته نوزه = ياباني الصنع واللوحه سعوديه
حلفت لاأعطيه حتى تقدح قزوزه = وأهج به عن حدودك يالعضيليه
وأنحره مسندي في الضيق والعوزه = رفيقي الكفو ناره دايم حيه
غيره ليامن نصيته مد لي بوزه = وعبدالله يمد يمناه السخاويه
العلم يامسندي ماتجهل رموزه = ماهي شكيا الهواوي من هواويه
الدرة اللي من الصندوق منبوزه = واللي نبزها من عيال الحراميه
اليوم منهوبةٍ والعام محجوزه = وأنا أستوت عندي الروحات والجيه
والساق مابين مثنيه ومركوزه = مرات مركوزةٍ ومرار مثنيه
ثبت في ساعةٍ الأفكار مهزوزه = وأصبحت بين المحرج والشريطيه
يطيب جو الشمال بطيبة عنوزه = وصدري شمالي ووقفاتي جنوبيه
على النقا كلمتي ماهي بملفوزه = وأثر الزمن يبن عسبل نيته نيه
التيتنك غرق جاكه وأنقذو روزه = وش ذنب بوزيد ياعليا الهلاليه
قضيةٍ شايكه وخيوط منشوزه = وحبالها بين ممدوده ومطويه
وترى العبارات سطحيه ومرموزه = وعبارتي بين مرموزه وسطحيه
فان عاد به رايةٍ في الريع مرزوزه = فارسل لنا ياسديد الراي برقيه
واسلم وبلغ تحياتي لاخو جوزه = واليا نشد علمه لامالت الفيه![/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !