ســـــــــــــلام

كل عـام وانتم بخيـر ,


مع اطيب وازكى التحيه للجميع


[poem=font="Simplified Arabic,6,teal,normal,normal" bkcolor="white" bkimage="" border="double,4,black" type=2 line=0 align=center use=ex num="0,black"]
تكفون ردو سلام وحبه العيد = من واحدٍ ماقدر ياصل وليفه
ماهوب خايف ولا قلبه برعديد = لو دونه الموت والطرقه كليفه
لكن يدراء العوايد والتقاليد =وافواه الانذال والنفس العفيفه
بينه وبين اللقاء وجه المناقيد = والدين والحاجز الي سل سيفه
وا قلبي الي همومه قامت تزيد = يومي به الشوق وعروقه أسخيفه
البارحه الليل في عيني سراميد = واحساس نفسي خيالاتٍ مخيفه
بين الحنايا مثل رجف البواريد = وقلبي من الشوق متعبني رجيفه
عليك ياللي زمى من دونك البيد = وانا من الشرق عن وادي حنيفه
بيني وبينك سوالف ياتلع الجيد = وآمال واحلام واهدافٍ شريفه
ياصاحبي وش بقى من عمر ابوزيد = عامين واكثر وانا حالي كسيفه
ان طولت بي كذيا جيت بالعيد = ما عشت بالغبن والنفس الضعيفه[/poem]

أستغفر الله الذي لااله الا هو
الحي القيوم واتوب اليــــه


مــــــــــعدي المرقاب