السلام عليكم ،



على الكيبورد لا اكثر .. ارجو لها القبول




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يامسافره مع جناح الطير=حسبي على الطير من هدّه

.

ضـفّـك جناحه وعيـّن خير=وحبال الأشواق ممتدّه

.

يابنت .. مـا للسفر تبرير=خص ٍ ليا طالت المدّه

.

انتي تقولين جـدّه غير=وانتي بعد غير عن جـدّه ؟

.

جيتي بحرها وجاك مغير= مشتال موجـه على يدّه

.

الموج ودّه يضمـّـك مير=البحر .. ودّه ولا ودّه

.

يانفحـة الشيح والنويـّر=سداح باح الجفـا سـدّه

.

وش خانة الشعر والتعبير=أبنـي لك البيت وأهـدّه

.

دايم وطيفـك ضحى واعصير=يشنّ هجمات مرتـدّه

.

واليا عرض لي عكست السير=وسيلّت دمعي على خدّه ‍ !

.

اليـاس يقضى على التفكير=وافزع ورا الصبر وارتدّه

.

وانادي الحلم للتفسيـر=ولازلت .. ولا زالت الشدّه

.

من يوم كنتي وكنت صغير=نضحـك على العمر ونعدّه

.

واليا حصل بيننا تقصيـر=نصدّ .. ولا تبطي الصدّه

.

لين ابتـدا الشيب والتوقير=وعلاقتي معك مشتـدّه

.

محبــّه .. وحشمه .. وتقدير=ويضدنا الحظ ونضدّه

.

منتي على موجة التغيير=يابنت الأجـواد محتدّه

.

لقيـاك ما تقبل التأخير=خص ٍ بعد طالت المدّه

.

ويا اللي تقولين جدّه غير=انتي بعد غير عن جدّه [/poem]



وسلمتواا ،،

>> هات و دوك ! <<