فهدالعازمي

انتي تقولين جــــدّه غير

__________ وانتي بعد غير عن جـدّه ؟


جيتي بحرها وجاك مغير

__________ مشتــال موجــــه على يدّه


المــوج ودّه يضمــّك مير

__________ البحــــــر .. ودّه ولا ودّه


يانفحــة الشيح والنويــّر

__________ سداح بــاح الجفــا سـدّه


وش خانة الشعر والتعبير

__________ أبنـــي لك البيت وأهــدّه


دايم وطيفــك ضحى واعصير

__________ يشنّ هجمـــات مرتــــدّه


واليا عرض لي عكست السير

__________ ومسحت خدّي على خدّه ‍


اليـــاس يقضى على التفكير

__________ وافـزع ورا الصبر وارتدّه


وانادي الحلــم لـ التفسيـــر

__________ ولازلت .. ولا زالت الشدّه


من يوم كنتي وكنت صغير

__________ نضحــك على العمر ونعدّه


واليا حصل بيننا تقصيـــر

__________ نصدّ .. ولا تبطي الصدّه


لين ابتــدا الشيب والتوقير

__________ وعلاقتي معك مشتـــدّه


محبــّه .. وحشمه .. وتقدير

__________ وانفاس واحساس من قدّه


منتي على موجة التغيير

__________ يابنت الأجـــواد محتدّه


لقيــاك ما تقبل التأخير

___________ خصــّن بعد طالت المدّه


وانتي تقولين جدّه غير

__________ وانتي بعد غير عن جدّه


سداح والله حيرتني مدري ويش اقول

المهم هجينيه من وزن الذهب الثقيل

تسلم يمينك وسجل اعجابي دائما وابدا

[poet font="Simplified Arabic,4,white,bold,normal" bkcolor="transparent" bkimage="backgrounds/50.gif" border="double,4,gray" type=0 line=200% align=center use=ex length=0 char="" num="0,black" filter=""]
التطرف كارثه والغلو سم العقول= والخيانه من عيال الوطن سم الكبود
[/poet]