عناد النفيعي

كيف انت ياغلى من ملك مهجة جنوبي من شمال
ياصرم حالي كلما غرّب طريقـي وانـت شـرق
ايقنت بان اليوم بغيابـك سنـه وشلـون طـال
جات الدقايق والفصول انداد مـا عيّنـت فـرق
البارحه لحظة بكيت الطّل جنـب التّـوت سـال
وانا لحين الفجر ابرّد حرق وادرى عنـك حـرق
سرقتني سـرق الحناشـل بالعتـاب وبالـدّلال
والا انت منتب من سلايل قوم نهب وقوم سـرق
ياللي هزمت لحالك اسواق الشياكـه والجمـال
ما كنت اببحث عنك فالراشد ولا انشد عنك شرق
وانا ترى اللي لو ذبحه الجـوع ماكولـه حـلال
اخو العيال اللي يقولون الشرف ممنـوع خـرق
يـا مرحبـا ترحيبـةً ترضـي مقاديـم الخيـال
تعال حيـاّ الله حلالـي مالمـع فالوسـم بـرق
البارحه وانت آدمي ما اعرفـك والليلـه تعـال
طيح برمشك من غلاي اربع مدن ومحلهـا ارق
مدّ اليمين وهادني ما كان من ضمـن المحـال
قدام خلـق الله جميـع وبالنقـا مـا فيـه درق
اسكن معاليقي وصـال ولاح بالحانـي وصـال
واسلم وسلم لي على طروق الملاحي طرق طرق


ابوراكان

والله حررررررام تكون في مكان غير الشعبي ..

من غير نقص في المواهب ..

الابداع ينساق حرف حرف هنا..
والاعجاب يتوالى مع كل نص ..

لله درك .. يابوراكان ..

سلامي عليكـ ..

.




ss15s1@hotmail.com