منتديات المرقاب الأدبية - عرض مشاركة واحدة - تجديد التراث//// اقوى كذبه من يجيبها؟؟؟؟؟

18-01-2003, 04:29 AM

انا مره كنت نازل مكه مع الهداء

اربطو الأحزمه <<<<<<<<<<<==== تراها فيه من غير الموضوع هذا

يوم وصلت راس الضلع ويغلق البنزيم ( البنزين ) المهم مافيه قازخانه ( محطة وقود )

واخذها دحدره مع الهداء اعطيها نمر ثقيله واضرب بريك الوكاد السياره الي معي كنور ومغير اتعافت انا وياها مع اللفات المهم يوم وصلت لفت العقال (الكوبري ) والسياره تحول مع الوادي .

ونا اسوي زي كذا وسوي زي كذا

اخر شي سويت زي كذا

وحول على سياره فكس واجن ( الخنفسانه ) ولياني في ظهرها ورجال يحول قال ابك انت علامك قلت تكفى يامشبب وصلني مكه قال خلاص ابشر ونا احط الكابرس في ظهر الفكس واجن

<<<<<<<<<=====اولا مايقول كنور

<<<<<<<<==========هم خابرينك مير كمل

مشانا ونا في موتري فوق وهو على موتره تحت ونا عاد اقوم اغني وحاط يدي في العروه الي فرع الباب الي دايم الشيبان يتلزمون فيها وهو فاك القزازه

حدوني على ركب الغماره ونا ابا فوق
............................ ابا مقدم الصنوق ولا على السله

يوم وصلنا اشارة العوالي ( مدخل مكه ) ويعترض في نحورنا راعي جمس ويلمخ رفيقي الي تحتي على الرفرف

وينقلب الثرفه الي تحتي وليا اني بموتري محول ومنقلب قلت ( افا )

جاء المرور قال وين خصمكم قلنا ماندري صفقنا وراح وليا فيه واحد يصيح وحنا انعاين الياه راعي الجمس متعلق بجمسه في الأشاره من فوق

( ابك .... ابك .... ابك )

قال تراني مسامحهم ... ولا ابي منهم شي ...

كملت انا وخويي المشوار وصلني عند المحطه الي بعد الأشاره وعبيت موتري فل وعزمته للغداء وقال مايمديني عندي ارتباط قلت الله معك

لكن ترا يالربع الناس لبعضهم والرجال ماذل على موتره وساعدني الله يساعده اليوم ان كانه حي ولا ميت