[poet font="Simplified Arabic,5,white,normal,normal" bkcolor="transparent" bkimage="backgrounds/22.gif" border="outset,4,white" type=2 line=200% align=center use=ex length=0 char="" num="0,black" filter=" shadow(color=gray,direction=135)"]
القصه اللي صارت اليوم ذكـرى=الله يذكرها بخيرٍ وخيره
اسج فيها بين لحظه والاخرى=وتفيض بالدمعات عينٍٍٍ غزيره
أبكي ويبكي من لها اليوم يقرى=وأندب زماني والظروف المثيره
كنا سوا ياناس يسرٍ وعسـرى=نمشي وممشانا هوانا يديره
بعشق وغزل وأشواق حبٍ وقمرى=كانت لنا قصه ومذهب وسيره
قلبين في دنيا العشاشيق أسـرى=وحب جنوني بين آسر وأسيره
يضحك لنا وقتٍ نعيشه بيسـرى=ونجمع غلا وردٍ ٍسحرنا عبيره
بالشوق نرسم مجد قيصر وكسـرى=وبالحلم نبني برج عاج وننيره
كنا وكنا والزمن دار وأعرى=أعرى القلوب من الصفاء والبريره
ما كان منا الحزن يقوى ويجرى=وفجاءه ... رحل محبوب قلبي وأميره
وصرت أفقر العالم بعد كنت الآثرى=وصار الفرح فالقلب حزنٍ وحيره
ولا جف للدمعات منبع ومجـرى=هاذي ثلاث سنين ما أعرف مصيره
والله عليمٍ بالخفيات وأدرى=ما يملك المخلوق علم السريره
إن كان حي أرجو وآمل ببشرى=وإن كان..... لاماأقدر دموعي غزيره
[/poet]