|
_الـــنـــصـــيـــحـــه_
[poem=font="Simplified Arabic,6,darkblue,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black"]
بعض البشر ما يستمع للنصيحه=إذا نصحته يحسب أنك معاديه
يعقد حجاجه ويكثر فحيحه=تنشب معه يادوبك أنك تهاديه
يشيل مشعابه ويقدح قديحه=ويقول عنتر فاللقاء من يلاديه
بالهرج ما يسلم ببطشه طريحه=وأثره نعامه بالوغى الرأس تخفيه
يا عنك ما جرب أمورٍ شحيحه=ولاله طموح وبايهاتٍ معانيه
يعيش مع شلة وجيهٍ قبيحه=بهبوه تضحك له خبولٍ بهابيه
جنب طريق أهل الوجيه الفليحه=وعطاء طريقٍ ما فلح من مشى فيه
بليد حس ولاحسب للفضيحه=يمشي على عمياه وبليس مغويه
أغواه أبو مره وقرب مطيحه=يا لله دخيلك كانه بليس باليه
إذا تكلم بينٍ من نضيحه=علمٍ يجيكيبه وعلمٍ يوديه
الإمعة راع العلوم البجيحه=مارد سيلٍ عارمٍ ملي واديه
القافلة ما وقفت من نبيحه=ندري مصيره فالنهاية تصاويه
لو ضخم علومه بكثرة مديحه=لنفسه عن الواجب قصيره مشاحيه
تضيق فاللازم عليه الفسيحه=عن العلوم الغانمه تقصر يديه
هذاك يلقاء من يجاوب ضبيحه=نديمه اللي بالوصايف يحاليه
اللي يقوده مثل قود الذبيحه=خدينه اللي للنهايه موديه
طبعه على طبعه ونفس الشريحه= ينصت له سموعه ويحفظ دواديه
عميل للمترديه والنطيحه=اغسل يدينك منه لاعاد ترجيه
الزرع ما يثمر بصبخاً مليحه=لو كل يوم بصافي الجم تسقيه
يمكن يدل الدرب قبل ضريحه=عل وعسى سود الليالي تصحيه
وأن ماصحى عليه مليون صيحه=لاصار مايسمع نصيحة مناديه
لاتحرق أعصابك بخبلٍ زنيحه=أن ماهداه الله مانته بهاديه
والمعذره تنصا الرجال الفصيحه=من الكلام اللي قصدت الردي فيه
عذراً يقدم للوجيه السميحه=ويقصر عمد عن النجوس المداريه[/poem]
فالفين وحدعش جاين للعرب ضجه=بمظاهراتٍ بدت في كل ميداني
احدٍ على حق واحدٍ طار فالعجه=وحكامهم غادروا واحد وراء الثاني
شعوبهم غاضبه تصرخ ومحتجه=على انظمتهم وتطلب خلعت الجاني
بانت عيوب العرب يادجة الدجه=وطلعوا جواسيس خوانه وسرقاني
mosam-safar@hotmail.com
|