زايد ناصر

الشاعر الاصيل : خالد الحصين

&

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سبحان رب السما والارض سبحانه = باسمه جميع البشر ترخي مناكبها

اللي ليا واجه الديّان ديّانه = في ساعةٍ والمصيبه في عقاربها

كلٍ نكر مجده وتاريخ جدانه = ما عنده الا ذنوبه كيف يحسبها

النفس واعمالها في وسط ميزانه = وان ما رحمها (ف) اكيد انه معذبها

يا رب والناس جوعانه وضميانه = والدين جمرة غضا فيدين قاضبها

البحر ما شفت لولوّه ومرجانه = والارض ضيّعت مشرقها ومغربها

والقلب له خفقةٍ والعين سهرانه = وعلومي احيان اصدقها واكذبها

اثر الزمن حطّني من بين لحيانه = وسود الليالي تناهشني مخالبها

لا قلت بيتي بسيسانه وعمدانه = قال انت في ديرةٍ ما شب كهربها

ثم صرت من بين مطرقته وسندانه = والنود صلفه .. بعد هبّت هبايبها

اليوم بغداد ناره فوق دخانه = والقوم عزّت سراياها كتايبها

هذا سجينٍ شكى من ظلم سجانه = وهذا يتيمٍ دموع الذل يسكبها

وقطاع غزّه وقف دمه (ب) شريانه = شارون .. كل الذخاير فيه جربها

البيت خلاّ علوّه تحت سيسانه = وايديه بالدم حنّاها وخضبها

ومن قال له الارض شفها والسما عانه = قال انت ترهب جميع الناس ترهبها !!

واللي مخلّيه يكفخ ريش جنحانه = شرذمةٍ حقدها يفتل شواربها

وحنا نغني يا ليله دان ودانه = وقرطاج تاج ... وبعلبك فن ... وابها ابها !!

ومشاعرٍ تحترك من صوت فنانه = لا هزّت الردف ثم ارخت ذوايبها

رحنا مثل روحة الفايد ورا ديانه = وعيوننا من ورا الشاشه نقلبها

يا عنك ما للعرب في ذا الزمن خانه = مطيةٍ بين ناحرها وحالبها [/poem]

رافق اللي يكسر العود في عين الحسود
-------------- والـردي لو مـدّ يمنـاه .. قلّـه ردهـا

الشاعرالكبير:رشيدالزلامي