مرت ثمان سنين حل ٍ وترحال
ــــــــــــ مرت ثمان ٍ كلـها مِـدلهمّه
سألت عنها سنين وشهور وليال
ــــــــــــ ولا فيه فج ٍ غير وجهت يمه
وبعد الثمان اللي تعبها شقي الحال
ــــــــــــ جاب الزمان الكارثة والمطمه
جاني ولدها يبتسم بين الأطفال
ــــــــــــ ومن بسمته ذكرت أنا بسمة امه
شفته وصاحت داخلي كل الآمال
ــــــــــــ وصوت ٍ عجزت بكتم الأنفاس ألمه
ركضت له ودمعي علي الخد همال
ــــــــــــ من كثرشوقي قمت بالحيـل أظمه
ساعة حضنته والطفل في يدي مال
ــــــــــــ شميت ريحتها على أطراف كمه
واستلهمت نفسي مقاديم الأهوال
ــــــــــــ وتم الضــياع ووكدت لي متمه
والحين بنت الناس في بيت رجال
ــــــــــــ وحب ٍ على غير الشرف لي مذمه
برجع غريب ٍ سكته بر ورمال
ــــــــــــ يموت , يحيا , يندفن , مايهمه ..
اشهد انها موثره
|