للتواصل مع هذا الصرح

وشعرائه وزوّاره الكرام ...

.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياشامخٍ فارقْك ربّي عن مجاميع العباد=من شعرك اللي ضمّة خصاله الوجه الدّايري

لعيونك اللي من حَوَرها حسنك الفتّان زاد=لى قلبك الطاهر وقامة عودك الغض الطّري

ولْطلّةٍ تسرق من النّعسان سلطان الرّقاد=والمبسم اللي كنّه بْجواهرَه ( خزنة ثري )

ماعاد لي في ذمتك أكثر من دموع البعاد=بلّل بها حضني وكفّيني .. وجبّر خاطري

أبي تلبّس الأرض يوم فراقنا ثياب الحداد=وأبي الحزن يوصل (عطارد) ويتغشّى (المشتري)

وأبي النجوم المستطلّه في السما تضحك عناد !=وهي على ماحل فينا يابري حالي بري

اعيونها غيمة شتا وهمّالها يحيي الجماد=وبرّاقها نوضه يفطّن كل داله مادِري

ان غرسنا داير عليه الحول ماجاله حصاد=وان صبحنا يِِشره عليه وليلنا ماينسري

وجروحنا من كبرها عيّا يطبّبها الضماد=وأحلامنا ماتت على يدين الزمان المفتري

وأنا أوعدك ماضم في جوفي معك ناسٍ جداد=لوّ السنين تهد لي حيلي وتلعب فــ/ انظري

لو ان غيابك ظلم في ظلم وعذاب واضطهاد=بصبر وواجه ماضريت ألقّي الهم اظهري

حبيبي قالوها (مصير الحي يتلاقي ) وكاد=مصير (بندر) لويطول الوقت يلقى (البندري)

مع السلامه رح فمان الله حارسْك الجواد=تبقى بِرِي من ماحصل .. وأنا بعد مثلك بِرِي[/poem]



وسلامتكم