قليله في حب المصطفى عليه أفضل الصلاة والسلام ..مادرات الليالي والأيام ..بأبي هو وأمي ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فداك النفس ياأغلامن حياتي والعمر مخلوف=إذانفسي فداك مبشّره بالخير والخيره
فداك أمي ..وأبويه آآه ياليت الحروف سيوف=لاجرّدهابوجه اللي خدش لك بالورى سيره
ياأكبرمن قصيدي مايوفّي في ثناك حروف=ياأبلغ من خيالااته ..وتعبيره ..وتصويره
ياأطهرمن خلق ربي من النادر إلى المألوف=ياأندر من عبد ربي بتهليله ..وتكبيره
ياأول من جمعنا ..واحتضنا من شتات الخوف=ونوّرنا بتنويره ..وبشّرنا بتبشيره
ياأجدر من حمل حملٍ تحت حمله تلين كتوف==وهاجربه لطيبه ..بامرمن ربه وتدبيره
ياأغلا من حضر ..وأنصاره لشوفه تدق دفوف=تغنّي للفرح مستبشره بالجار ..والجيره
ياأطيب من دعا للخير ..واتباعه وراه صفوف= مجنّدهم لنشر الدين من ديره لياديره
ياأصدق من صدع بالحق ..والتوحيد ..والمعروف=ياأرقى من جنا بقلوبنا حبه..وتقديره
ياأثبت من وقف في وجه من ساقوا عليه حتوف=على قلّة جنوده ..دكّت الشرك وطوابيره
ياياأشجع من رفع صوته على البيت العتيق يطوف=يحطّم في صروح الشرك معلن يوم تدميره
ياأكرم من عفا عن قومه اللي جرّعوه صنوف =من ألوان العذاب ..وبادل المذنب بتحريره
ياأبلغ من نطق باأروع بيانه والجموع وقوف =سحر لبّ العقول ..ووحّدت ربي بلاحيره
ياأرحم من فتح قلبه ملاذ الخايف الملهوف=ودلّه للأمان ..بصدق تبشيره..وتحذيره
ياأحكم من جعلنا سادة العالم كبار شفوف=حملنا نور دينٍ نوّر الدنيا بتنويره
ياأرفع من تفاهات السذاجه من يدين ضعوف =يحاول حقدهم يقضي على مجدك بتزويره
ياأنقا من سخافتهم ..مكانك لو تجي وتشوف=تجاوز كل حدّ ..وفعلهم ساهم بتكبيره
عليهم لعنة الله ..وأنت تكرم حقدهم مكشوف=ولوقاموا بخبث ..ومكر ..بين الناس تمريره
عليهم لعنة الله..من زمنك وغدرهم ملفوف =سوايا لاجلها صدر الشمالي فك أزاريره
عليهم لعنة الله ..والغضب لاف الحناي لوف=شراييني توقّد بين نار الحب... والغيره
عليهم لعنة الله ..وأنت حبّك جاوز الموصوف=وقدرك فوق ..يامن دانت الدنيالتطويره
عليهم لعنة الله ..وآتسآآل ..والهموم ضيوف !!=متى نقوى؟؟ونقطع دابرة عابد خنازيره ؟!!
متى ؟مدري متى!وابني لتغريدالحلوم رفوف=وأعزّي حالنا ..وأسأل :متى نفرح بتغييره ؟؟
متى ؟مدري متى !!(حتى يعودالشوف للمكفوف)=إجابه تختصرني من وجع مليّت نتكريره !!
وصلى الله على سيدنا محمد ...[/poem]أبوشاهر

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ