ياشامخٍ فارقْـك ربّـي عـن مجاميـع العبـاد
من شعرك اللي ضمّة خصاله الوجـه الدّايـري
لعيونك اللي مـن حَوَرهـا حسنـك الفتّـان زاد
لى قلبك الطاهر وقامة عـودك الغـض الطّـري
ولْطلّةٍ تسرق مـن النّعسـان سلطـان الرّقـاد
والمبسم اللي كنّه بْجواهـرَه ( خزنـة ثـري )
ماعاد لي في ذمتك أكثـر مـن دمـوع البعـاد
بلّل بها حضنـي وكفّينـي .. وجبّـر خاطـري
أبي تلبّس الأرض يـوم فراقنـا ثيـاب الحـداد
وأبي الحزن يوصل (عطارد) ويتغشّى (المشتري)
وأبي النجوم المستطلّه في السما تضحك عناد !
وهي على ماحـل فينـا يابـري حالـي بـري
اعيونها غيمة شتـا وهمّالهـا يحيـي الجمـاد
وبرّاقهـا نوضـه يفطّـن كـل دالـه مـادِري
ان غرسنا داير عليـه الحـول ماجالـه حصـاد
وان صبحنـا يِِشـره عليـه وليلنـا ماينسـري
وجروحنا مـن كبرهـا عيّـا يطبّبهـا الضمـاد
وأحلامنا ماتت علـى يديـن الزمـان المفتـري
وأنا أوعدك ماضم في جوفي معك نـاسٍ جـداد
لوّ السنين تهد لي حيلـي وتلعـب ف/ انظـري
لو ان غيابك ظلم في ظلـم وعـذاب واضطهـاد
بصبر وواجه ماضريـت ألقّـي الهـم اظهـري
حبيبي قالوها (مصيـر الحـي يتلاقـي ) وكـاد
مصير (بندر) لويطول الوقت يلقـى (البنـدري)
مع السلامـه رح فمـان الله حارسْـك الجـواد
تبقى بِرِي من ماحصل .. وأنا بعد مثلـك بِـرِي
لي عوده يا الذيب .........................
|