السلام عليكم ،

أبيات بسيطه ..



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا مقدّم حالة الطقس حسب الإعتقاد=الفصول الأربعه داير ٍ دولابها
.
منطقتنا والعه بالفتيله والزناد=خل الأجواء مستديره ولا تشقى بها
.
أحتمت من يوم هبّت ذعاذيع البراد=موجز النشره لفاك وعطاك حسابها
.
من يقول النار لا بدّ ما تصبح رماد=ما درا وش صار والنار من شبابها
.
القضيّه شابت وجابت علوم ٍ جداد=مير يا ستاّر من سترها وحجابها
.
والمصيبه مجلس الأمن فيه الخوف زاد=مشكله عن حلّها عاقدين أسبابها
.
مابقا ألاّ يعرض الشرق الأوسط للمزاد=كل دوله في حدوده تطقّ أبوابها
.
العجوز مدلـّعه والولد ماله مراد=غير يكحلها ويرقد مابين أهدابها !
.
والعرب تمشط لحاها وتنساق وتقاد=والعجم هامت وقامت تمسّ أشنابها
.
خصـّب ( اليورانيوم ) وأنتبه يا أحمد نجاد=لا تخصـّبك البلاوي ولا تبلا بها
.
يا ولد عمّ الخميني .. بناخي شهرزاد=الجماهير الغفيره كسبت إعجابها
.
والنوّويه معك لإزدهار الإقتصاد=لا تروح العولمه ما لحقت أركابها
.
المفاعل يشتغل والتطّور بإزدياد=ذرّة ٍٍ لو تنفجر كبرّت مضرابها
.
لا تطيّر شرّها .. من بلاد إليا بلاد=عقب نارك وسط دارك قبس مشهابها
.
أنت جار ولا نجيرك ليا زاد العناد=ملّـتك ماهيب سمحه ولا نرضى بها
.
تدفعك قوم العمايم على خوض الجهاد=ومستشارك حيّة ٍ سمّها في نابها
.
يا ولاة الأمر ندخل على رب العباد=كلّ من ودّا مصيبه .. صحيبه جابها
.
الحكومات الرشيده مفارقها الرشاد=يا الله انك تستر المسلمه بثيابها [/poem]


وسلمتوا ،،

>> هات و دوك ! <<