إن كان لفظي ما لوى ذراع معناي
ماعـاد تسـوى ياكلامـي كلامـي
وان كان فعلي ما ملى عين دنيـاي
الله يصغّـر مـن يكبّـر مقـامـي
ولاّ الشعر ماغير شيٍّ من اشيـاي
يهمني..ماهـوب جـل اهتمـامـي
يعني على ماقيل سكر على شـاي
مايروي اللي فالمواقيـف ضامـي
لله درك يامحمـد علـي كــلاي
هشّمـت حلـمٍ يستلـذّه منـامـي
ذبحت وصلي في مياديـن فرقـاي
واحييت حربي في مساحة سلامـي
ورميت يسرايه على كـف يمنـاي
وخليتني قـدم الظنـون إنهزامـي
ماهيب عاداتي ولا هـي نوايـاي
واذا بغيت الصدق مدري علامـي
ضاقت مراية واقعي مـن محيـاي
واسرف زمان الأقنعه في عظامـي
ماعاد اعرف احباب قلبي من عداي
واختلّ ميزانـي وكـف احترامـي
أحيان احس انّي مهـدّف ورمّـاي
ولا فيه رميه جات من غير رامـي
واحيان احس انّي على غير مرماي
واشيل درعـي واتلحّـق سهامـي
ماغرّني حرفـي وهيبـة مسمّـاي
لنّ الأسامـي ماهـي الا أسامـي
ماهمّني ياكود وجـهٍ مـن المـاي
اللي تشكّـل مـن وراي وأمامـي
وانا احسب اللي كان وياي ويـاي
لين استفزّ مشوّكي مـن حزامـي
وان كان مالله خالق الكون مـولاي
ولاّ البقا في راس كـفّ الحرامـي
اللي رمى جنبي على حـدّ مركـاي
واستاق قطعان السهر في ظلامـي
من حينها لفظي لوى ذراع معنـاي
واصبحت اشوفك ياكلامي كلامـي
الله الله الله ياسلام
شكرا للشاعر القدير الاستاذ فيصل السواط على هذه القصيدة الرائعة من شاعر متمكن وفي غنا عن التعريف
تقبل تحياتي وتقديري
اخوك حسين الدوسري
|