..ياشامخٍ فارقْـك ربّـي عـن مجاميـع العبـاد
من شعرك اللي ضمّة خصاله الوجـه الدّايـري
لعيونك اللي من حَوَرهـا حسنـك الفتّـان زاد
لى قلبك الطاهر وقامة عودك الغـض الطّـري
ولْطلّةٍ تسرق مـن النّعسـان سلطـان الرّقـاد
والمبسم اللي كنّه بْجواهـرَه ( خزنـة ثـري )
ماعاد لي في ذمتك أكثـر مـن دمـوع البعـاد
بلّل بها حضنـي وكفّينـي .. وجبّـر خاطـري
أبي تلبّس الأرض يـوم فراقنـا ثيـاب الحـداد
وأبي الحزن يوصل (عطارد) ويتغشّى (المشتري)
وأبي النجوم المستطلّه في السما تضحك عناد !
وهي على ماحـل فينـا يابـري حالـي بـري
اعيونها غيمة شتـا وهمّالهـا يحيـي الجمـاد
وبرّاقهـا نوضـه يفطّـن كـل دالـه مـادِري
ان غرسنا داير عليه الحـول ماجالـه حصـاد
وان صبحنا يِِشـره عليـه وليلنـا ماينسـري
وجروحنا من كبرهـا عيّـا يطبّبهـا الضمـاد
وأحلامنا ماتت على يديـن الزمـان المفتـري
وأنا أوعدك ماضم في جوفي معك نـاسٍ جـداد
لوّ السنين تهد لي حيلـي وتلعـب ف/ انظـري
لو ان غيابك ظلم في ظلم وعـذاب واضطهـاد
بصبر وواجه ماضريـت ألقّـي الهـم اظهـري
حبيبي قالوها (مصير الحـي يتلاقـي ) وكـاد
مصير (بندر) لويطول الوقت يلقـى (البنـدري)
مع السلامه رح فمـان الله حارسْـك الجـواد
تبقى بِرِي من ماحصل .. وأنا بعد مثلـك بِـرِي
الله الله ياسلام
شكرا الشاعر القدير فهد بن عبدان على القصيده الرائعه من شاعر متمكن ونستفيد من متابعته وهو في غنى عن التعريف
تقبل تحياتي وتقديري
اخوك / حسين الدوسري
|