لـو ينفتـح للـود فالقلـب بيبـان
حطيت له كيلون من فـوق كيلـون
يابنت شوقي لك ووجدي على شـان
ورث الجدود اللي غدا ماش مالـون
ياوزنةٍ ترجـح علـى كـل ميـزان
ويـادر يامكنـون منتـه بمكنـون
رشيد وحبيـب وملفـي وسلطـان
فحول لاكن الجزالـه لابـن عـون
وجهة نظر واعوذ من كل شيطـان
كم عاقلٍ يضحك على هرج مجنـون
عندي على ماقلـت حجـه وبرهـان
ماجبتها من سوق قـال ويقولـون
((صادفتها صدفه على باب دكـان))
شطر لقصيده ضمن ديوان ميسـون
واللي سرت من نجد ماهي لضيـدان
نايف صقر مهدن له البيت مـوزون
وباق القصيده مدري لمـن ومنـان؟
لكنهـا جتنـا كــذا فالتلـفـزون
الددسن اللي روحت في ظهـر فـان
احتدها مـن دون قمعـات صالـون
معـاون السـواق حـوّل لعرفـان
وخويه السواق فالحبـس مسجـون
يابنت انا ماني من النـاس زعـلان
لو جرج قرداحي سرق نص مليون
يارد على حوض المنايـا كحيـلان
وانا زبون الحرد وابليـس ملعـون
على رصيف الشمس مجموعة انسان
روحي وانا بروح من دون في دون
منتـي بـلا لينـا ولانـي بعدنـان
اللي يترجـم حبهـم فلـم كرتـون
لله دررررك الى ما لانهاية ياامبدع
صح لسااانك مليون ولاهنت
والف شكر على هكذا حضور لاعدمناااك
احترامي
اخوك
|