|
يأهل الهوى مابقالي في هواكـم لـزوم
[align=center]تحيه طيبه
قصيده متواضعه للتواصل
اتمنى ان تنال الرضى[/align]
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
‘‘ ‘‘ ‘‘ ‘‘
لاضيّق الوقت صدري بين ليـلٍ ويـوم = وزادت عليّ الهموم وبانـت أعراضهـا
وأمسىَ بقلبي لصلفات الطواري وسـوم = والعين سامر نظرهـا بـارقٍ هاضهـا
وتاقت حيام الهجوس لصاملات العلـوم = اللي ورىَ الصدر مشتاهـا ومقياضهـا
ورّدتها لين تروى والخفـوق مخـدوم = من جمّـةٍ يصـدُر الـروّاي ماغاضهـا
يأهل الهوى مابقالي في هواكـم لـزوم = خربَت قلوب العباد وكثـرث أمراضهـا
عُقب الوفا والصراحه والطرب والسلوم = شدّت طوال العلوم وحلّـت اعراضهـا
واليوم يأهل انفتاح التقنيـه والرقـوم = ماباقي الاّ رسـوم الحـب وأنقاضهـا
الحب مايتبع الموضه وطـرز الهـدوم = ويخلف مذاهب طيور العشق وألفاضهـا
والحب ماهوب رسمة قلب فيها سهـوم = مابيـن هاذيـك زعّلهـا وذي راضهـا
اليوم كل ٍ يصيد وكـل طيـر ٍ يحـوم = وكم صيدة ٍ شاع ماقعهـا ومنهاضهـا
لين اصبح الحب حربً مثل حرب النجوم = واللي ماتِرخِص شيمها تِهتَك أعراضها
والعز مأحد ٍ لبس ثوبـه بليّـا كمـوم = جعل المنايا تقـود الـلاش لحياضهـا
تصحى القلوب الجَبانه في الحلوم وتنوم = والليل يضحـك براضيهـا ومغتاضهـا
وتكتُب حكايات عشق ٍ من خيال الرخوم = وتجارب ٍ ماتبيّض وجه مـن خاضهـا
لكنّ لـولا التغيّـر والفتـن والسمـوم = ماكان جفّت ريـاض القـاع وفياضهـا
واللي تغيّر ماهو بس الهوى والسلوم!! = اليوم حتى الصداقه كثـرت أغراضهـا
‘‘ ‘‘ ‘‘ ‘‘
وسلامتكم[/poem]
ياهاجسي خلّك على هونك ترى ماني عجل=لين الليالي تنهي الدعوى ونارك هاديـه
انا على هداج تيما والخبل يزرع فجـل=اما عط الماء شاديه والاّ عط الماء ناديـه
علي الحرام اني لأوقّف للخبل على رجل=أني لأعبّربه جميع الناس حضر وباديـه
|