هلا باللي يفز القلب لامني سعت اسمـه
ولامني كتبت الشعر طيفه مصدر إلهامي
هلا باللي رسمته في معاليق الحشا رسمه
رسمته بالخيال الخصب ماهورسم رسامي
أنا شايفك من فوق النجوم العاليه نجمـه
تواسيني ليا منه سرى همـي بأحلامـي
أنا شايفك في غرّة جبين الفجر مرتسمـه
أنا شايفك نبع من الوفا صافي وانا ظامي
أنا شايفك في دنيا شقاي وغربتي بسمـه
تنوّر لي طريقي لين اشوف الدرب قدّامي
أنا شايفك صوره للنقى والطهر والحشمه
ولامني بغيت اوصفك كلك تعجز اقلامي
أنا شايفك رقم بحسبتي ما يقبـل القسمـه
مميّز مالقينا له شبيـه بكـل الارقامـي
أنا سامعك في لحن الغرااام المنتشي نغمه
تبدد وحشة الليل الكئيب وتسعـد ايّامـي
أنا قاريك في نظم المعاني الساميه كلمـه
تصوّر كل معنى للوفا والمقصد السامـي
محفوظ الهذلي
قصيده وابدااع
رائعه
لله درك
وصح لسانك
تقبل تحيتي
|