لايهمّك ..

العنا ماهو غريب

والحزن دااايم قريب

إنتي عيشي في حياتك ..

لاتفوتك أمنياتك ..

وإتركي قلبي عطيب ..

ولايهمّك .

*******

وخير يعني لو رحلتي ومات قلب .. !!

وإنتي أدرى الناس فيني ..

وتعرفي حظي مثل ماتعرفيني ..

حظ إبن ستين (( ... )) !!

ما أبتسم لي غير مرّه ..

إيه مرّه وكانت بهذا المكان ..

تذكرين ..

تذكرين شلون كنت وكيف كان .. ؟؟

كنت أتعس من خلق ربي ..

بهالدنيا العريضه ..

ورغم هذا كنت أحاول ..

قد ما أقدر أخبّي ..

واتظاهر إني قادر ..

أقهر الحزن وأغيضه .. !

كنت جالس وأتأمـّـل ..

مابقى من عمر همـّـي

وأجبر القلب يتحمـّـل ..

يزهم لهمـّـي ( ياعمـّـي ) !

لين جيتني وقلتي : ..

( شكلك محمد عويضه ) ..

وقلت : سمـّـي .

*********

إيه أدري ..

أدري إللي ساقك لدربي قصيده ..

كان فيها الحزن واضح ..

لا .. لا ..

لا وربي كان فاضح !

وقلتي في نفسك ..

( أروح آخذ بإيده )

وبعد عام ..

بعد ما حسيتي إنه ضاع وقتك

أبتعدتي

ياحراااام ..

آه ياليتك دريتي إني عشقتك

ومانطقتي ..

( باي ) أو ( فرصه سعيده ) !!

وجيتك بنفس المكان ..

جيت في غير الزمان ..

بس أنا ماجيت ألمك

جيت أهديلك قصيده ..

إسمها ..

(( لا .. لايـــهــمـــّــك ))

********************************

--------------------------------
fayyad22@hotmail.com