[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لحظه .. ولاهنتوا ولاشنتوا يا شعّار القصيد=قصيدةٍ .. تسوى طواريق المعاني كلها
الوقفة اللي ماتعز الشان فـ اليوم الشديد=ماهي لنا .. واللي عقد روس الحبال يحلها
مرقابنا ماهوب مرقاب الرسايل والبريد=مرقابنا سمّ العقول الناقصات وغلها
ماهو مجيّر للمهايط والمدارق والعصيد=امجيّرنه .. للفعول اللي يظلل .. ظلها
الله جمعنا للعلا نبني صروحه حيد حيد=من عزنا يعتز ونفوس الخصوم انعلها
من كل عزوه مادخل فيه المثروت والبليد=نطنخ .. ونرسي للحمول الكايده ونشلها
وان عوّدت للموقف الغصاب قلنا يوم عيد=يامرحبا رفرف علمنا والسيوف انسلها
ينوب عنا الطارف السداد في يوم الوعيد =ونوب عنه في غيابه والخصوم انذلها
رفيقنا نفداه فالغالي وفي دم الوريد=وعدونا عينه لياطارت خلال يخلها
والا أنت ياللي لاقديم ولا نديم ولا جديد=اسمع وعوّد للدفوش اللي وراك وقلها
مرقابنا ماهوب ساحة خدش طهر وعشق غيد=له هامةٍ تخسا النفوس الهابطه تاصلها
تريحوا ياقوم واصحوا مايصح الا الاكيد=واطلق شنب فيكم يعّقد حجته ويفلها
ما الله خلقنا للمجامل والمحابا والنقيد=في طاعته كل العلوم الغانمه نحتلها
لنا المواقف يوم ماضد الحديد الا الحديد=ولغيرنا تخليد دق افعولنا من جلها
ولنا علي البيدا ليا مس الحقب راس وعقيد=ولغيرنا ( يامل عينك يالشقا ياملها )
ولا طعنا فالقريب ولاتقفينا البعيد=ولا تعودنا نردد ليتها .. يا علها
اخلاقنا تطغى علي بدع القصايد والنشيد=الشك زايل والنفوس الحاقده ندبلها
نبذه بسيطه والعزايم لاتكل ولاتبيد=يالين عوجات النظر كل الدروب تدلها
ويقول صاحب منتدي المرقاب بالقول المفيد=( السيل يشتال المباني والثياب ايبلها )[/poem]
|