[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الآ علي طاري الايام دوّاره = اكيد من ضيّع الحاجه يدورها
القلب مملوك دام النفس ومّاره=واللي يطوّل مسير الساق يقصرها
قولوا لابو مزمره لا صاح مزماره=رفلاه .. لاطالت السيرة يخاشرها
وان كان شوفه ضعيف ايحط نظاره=الي متي ينقل السيّه ويضمرها
سوالفه حادره والنفس منهاره=طينته مالله علي التوفيق وامرها
خلف الكواليس والكيبورد والفاره=ماتطلق الوجه بأولها وبأخرها
العمله البايره فالسوق بوّاره=والعمله الطيبة ذخرٍ لتاجرها
مرقابنا طولته من عز شعاره= واهل المنابر تسولف في منابرها
ما هان في ماضي الايام مقداره=واليوم هو منبع الحكمة ومصدرها
لنا علي قمته باخلاقنا شاره=ما جاتنا بالمجامل وانت خابرها
نسود لاصارت الغاره ورى الغاره=طبيعةٍ جعل ربي مايغيرها
اخر علومى حقوق الجار من جاره=نصيحةٍ تنفعك كانك تقدرها
بعطيك بيتٍ من الابداع مختاره=بيتٍ من اجزل بيوت الشعر وافخرها
لا طاحت اخوان شمّا من هوى ساره=لاخير في ماضي الدنيا وحاضرها[/poem]
سعد براك
|