الأخ سعد براك
عليكم السلام ورحمة الله وبركاته
بارك الله فيك وقفة وفاء وانت من اهل الوفاء والمرقاب يستحق وإحترامه ماهو إلا إحترام لانفسنا وإيماننا منا بدوره في خدمة الأدب ولعل أهم مكاسبنا هنا هو معرفة الأوفياء والأنقياء شرواك وشروى أخواني الأعضاء الكرام ..
متواضعات في هذا السياق المحبوب ،
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تعيّنوا في موقع المرقاب بالثوب الجديد=يوم المواقع تختلف بـ ألوانها وأشكالها
.
فريد من نوعه وفي شكله ومضمونه فريد= واللي تشوقه قمـّته من همـّته يرقا لها
.
والطيب مدهال الرجال الطيبّه مابه جحيد=كم غيره وغيره ليا جات المدايح نالها
.
ماهو تحيّز والتميّز ثابت وعلم ٍ وكيد=منزال من روس الجبال الشاهقه منزالها
.
وأنا رقيته مع رجال المعرفه ماني وحيد= أقولها والله يخليّ للرجال رجالها
.
في صاحبه وإدارته وأعضاه وزوّاره نشيد= والنور ما ينغط والدنيا على موالها
.
وكلمة وفا للهاجري ناصر ولا عنها نحيد=محفوفه ومصفوفه وتعناله ويعنى لها
.
كم جاد من جوده ومجهوده عليه الله شهيد=قبل تجيه اللازمه ساق الجميل وجالها
.
والشعر فن وموهبه يا اللي تعدوّن القصيد= لكنّ ماهو راس مال اللي تعدّ أموالها
.
لا منت رايق ومتضايق مير ياعبدالمجيد=( النار من شبابها والخيل من خيالها )
.
البارحه من ثقل دميّ عاقد ٍ حبل الوريد= أردّّها في ضامري واحطّها وأشتالها
.
ألوذ بالله لا يضيع العهد والجهد الجهيد = من وقفة الخطّر وشي ٍ دافعه يبرا لها
.
والله ما نرضا بالخطا والشح والمد الزهيد= من ساير الأيام .. مدّ الوافيه حنّا لها
.
الصف واحد والعلم مرفوع والحاسد بعيد= وأبليس ما يبغى عباد الله يسرّك حالها
.
تنبيه وإعلان انسحاب وضيقه وباس ٍ شديد=علـّـه وصابت قلبها من كبدها وطحالها
.
حنا بدينا بالخطا وأنتم بديتوا بالوعيد= ومن سالفة ( أنتم وحنّا ) ما نحلّ إشكالها
.
نعمل من الحبّه على ماقيل قبّه من حديد= يا الله عسى القبّه علينا ما يظلّ إظلالها
.
الحقّ فلاّج الخصوم اليا التطم حيد ٍ بحيد= وإليا قضى القاضي قصرناها على ماقالها
.
بالعرف والمعروف والماجوب والراي السديد= دوسوا على الفتنه تضيع الحيله بمحتالها
.
هيّا على وضح النقا عدوّا مراقيب ابو زيد= والطيّب اللي لا بدت زلـّة رفيقه زالها
.
لا تتركون ام العبر تشيط فوق ام العبيد = يمكن خبيث الذبذبه بكره يبثّ إرسالها
.
الأوّلــه .. فال الله ولا فالها باللي تريد=والثانيه .. مع دربها فال الله ولا فالها [/poem]
|