الى الأخوة/مشرفي ومتابعي موقع المرقاب ,,,,
بعد السلام والاعتذار عن الغياب .....
يشرفني أن أصافحكم بأقرب النصوص إلى نفسي آملا لها الحضور بعد طول غياب


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

جهى المطر سافي الغرمول ما رشّه = سحايبٍ .. والمطر راعد وبراقي

وش عاد لو نبّه العصفور في عشّه=من كثر ما عذب العصفور ما ضاقي

تعلّق الدمع في عينه ولا مشّه=عبايرٍ في عيونه تحرق حراقي

لو دنّق الدمع حول بالجمل قشّه=لكّن دمع الكرامه لو نزل .. راقي

ياصاحبي من كثر ما دمعي اخشّه=ماحدن درى عن جروحٍ تسكن اعماقي

ما نيب هاك الغريق معلّق بقشّه=انا ثلوم الليالي جبّرت ساقي

والله ما اجامل الغشاش في غشّه=ورزقي على اللي معه مفتاح الارزاقي

ويا صاحبي للوداع قلوبنا هشّه=ما عاد تقوى اللقا اللي عقبه فراقي

الجرح يدمع ولا لي في الزمن هشّه=وأردع همومٍ على الخفاق تنساقي

لوّي فقير العباد ومسكني عشّه=ما غيّر الوقت لا طبعي .. ولا اخلاقي

لي حاجةٍ في تقا الايام منخشّه=لا جابها لي زماني .. ياخذ الباقي
[/poem]

للريح في وجه الفيافي تجاعيد
جرح السنين وذكريات الفيافي
جرح وخلا البيد تستنكر البيد
على ملامحهاسوافي سوافي

rouis22@hotmail.com