منتديات المرقاب الأدبية - عرض مشاركة واحدة

29-04-2006, 11:05 AM

يا سليل المجد مـع رفع الستاير
ما يغيب المجد عن حضرة سليله

جارك الله والزمان الشين جايـر
كـل حمل ٍ تبرك لشيله .. تشيله

نلتمس من شـورك ورايك مناير
وانت راع السيف خيـّال الكحيله

طال عمرك كيف عميـان البصاير
مع سموّك صاروا اصحاب الفضيله

عن بلدنـا لا يبيحــون السراير
مـن يشيلـون الخفيفـه والثقيله

لا نروح اقسام واحـزاب وعشاير
انتهـى وقـت التعنصـر للقبيله

لو نعـدّ الربـح ونعـدّ الخساير
( البـلاد بخيـر والفيّه ظليله )

مجلس الامه على كسـر الجباير
جمّـل الله حاله .. ولا له جميله

حسب توزيع المصالح جاك غاير
يجمع النـواب ويضيّـع حصيله

المواطن يرتجـي سبـع الجراير
والوطن وش يرتجي واعزتي له

القضيّـه شـرهـا قـام يتطاير
اقصروها عقب ما راحت طويله

أحسم الموضوع بأمرك لا تساير
من يبرر غايته بأهون وسيـله

هات رايك حــول تشكيل الدواير
وانت بيـن الدايـره والمستطيله !

ما لعب فـ الدار غيـر ام الكباير
بالعناد .. وبالزناد .. وبالفتيـله

لو كشفنا ما يخبــّن الضمايـر
الحكومـه صبح بكـره مستقيله

عشت يابطل ,,

الجهه الرسميه هذي وينها ! ياكثر التواقيع اللي تروح ولامرة هالجهه

سلام الله عليك وعلى بدعك يارمز ,,

سلامي ومحبتي