الى متى وانته يحايلـك الغيـاب وتهتويـه
والى متى وانا اتحايل خاطرك واتعب معـه
مدري تعمد غيبتك ! والا الزمن غيّبك فيه !
فالحالتين ابني رجاء والشك والياس اقطعـه
اضحك على نفسي واقول انك على قلبي نبيه
واسلّي الخاطر مع الايام والضحك اصنعـه
وانا على حبل الرجاء مابين ليت وبين ليـه
والضيق عيـا لايورينـي تباشيـر السعـه
ياغايبه ياللي غيابك لاقسـى مالـه شبيـه
ضيق حدود الجاذبيـه والجهـات الاربعـه
عودي على حي ٍ من البارح رجوعك يحتريه
على الوعد مازلت اقدامـه ولازل اصبعـه
قلبٍ شراك عن البشر بيعي ظروفك واشتريه
عودي عليه وقنعيّـه بعـذر لـو مايقنعـه
بس اقطعي سير الغياب اللي تماديتي عليـه
لاتتركينه عايش ٍ من غيبتـك فـي زوبعـه
عودي قبل يوم ٍ على الاحباب مانيب ارتجيه
تضيع فيه اجمل سنين العمر ويقـل اسنعـه
ياغايبه والخاطر الحساس كالعرض النزيـه
جرح المشاعر عندهم والا الكرامه موجعـه
شرحت لك ماصار في غيبتك وانت وماتبيه
وارجوك تكشف لي حقيقة ماتشيل الاقنعه ؟
ماعاد باقي غير كلمه مالها عنـدي وجيـه
اما تعال ارجع معي والا الغياب ارجع معه !
ياسعد ...قسماً بالله إنه من أجمل النصوص على الإطلاق...
من (إلى) .............إلى (معه).....ذهب ذهب ذهب..
.
صح لسااااانك ..وبقيت للمرقاب ...
متابعتي جداً ...مبدعنا..
.
.
تحياتي وتقديراتي..
|