بسم الله الرحمن الرحيم

يسعد جميع اوقاتكم بكل خير

مشاركتي الاولى عباره عن مرثيه في الشيخ / جدي بن مناحي بن زريّبه العتيبي .. رحمه الله

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله ياللي كل حيّ ٍ يسالك=يالواحد المعبود يامالك الملك
لطفك ليا ضاقت علينا المسالك=ورحمتك يارحمن يامجري الفلك
المغفره و العفو جلاّ جلالك=نرفع يدينا و الرجا من فضايلك
يالحزن لفّيت الوجيه بظلالك=وبانت على وجيه النشاما دلايلك
بعد رحيلك ياجدي و ارتحالك=ياشيخ ياللي هامت المجد منزلك
مافي يدينا حلّ غير الدعا لك=يجبر عزانا فيك و الله يحلّلك
ياغيثنا اللي من تضايق لجا لك=يادرعنا اللي ما تعدّد جمايلك
ياللي تباشير الوفا في قبالك=كل الصفات الطيّبه من خصايلك
بذلت جاهك في المواقف و مالك=كم من دريك ٍ عقب فزعتك قبّلك
مرحوم ياللي كل ماجا مجالك=نرفع مقامك و انتحاشى نزعلك
والموت حق و عندنا مابقالك=الا مكاسر طيب وافي فعايلك
لو متّ تبقى حيّ و العز فالك=انته وريث المجد الاول من اوّلك
وحنا عزانا و البقا في عيالك=واخوانك اللي كل واحد يمثّلك
ذخر الرجال اللي تدوس المهالك=سلايل الامجاد و ايضا سلايلك
ومرحوم ياللي كل ماجا مجالك=نرفع مقامك و انتحاشى نزعلك[/POEM]