ضيقّت صدري نعنبو خاطـرك ليـه
وانا احسب انك طول الايـام عنـدي

لو كنت انـا ادري ان هـذا تواليـه
ماطاح من شيـل الثقيـلات زنـدي

ياصاحبـي ياضحكـة العمـر لبيـه
الحضرمي سيفك ولا هـوب هنـدي

وان كان حدك عن مدى الراي قاصيه
لا تلفت من كبر فـي قلـب جنـدي

فـي ذمتـي مايلحقنـك مشـاريـه
لا بعت بـي إم ك ولا بعـت لنـدي

ماني من اللي يسمـع العلـم ويتيـه
ولانـي علـى ماقيـل والله سبنـدي

ادزهـا والـراس ترسـي مواطيـه
هذي بنودك والا انـا ضـاع بنـدي

اسمع نصيحه جد من شخص تغليـه
لا تشرب معسل على سـاق سنـدي

العمـر يمضـي والليالـي تباريـه
والناس وش سوت على عصر آغندي

ظلم الخطا يا نعنبـو قلـب راعيـه
الباش وش عزه بطربـوش افنـدي

والصدر لا تنشد اليا ضاق وش فيـه
من وابل الصمـان والا انـت كِنـدي

وضيّقت بالـي نعنبـو خيـرك ليـه
اصيح ليه تـروح واثريـك عنـدي


وسلامتكم

اخوكـم