[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]كل ما فلّيت صدري يا هبوب الباحه = وانكشف صدر السما لـبروقي .. ولـرعودي
.
بين جوٍ رايق .. ونفسيّةٍ مرتاحه = وبين تشتيت الهموم .. وحبلها الممدودي
.
وسط روضٍ لا شذى .. بوروده الفواحه = من شذى العنبر .. وريح المسك .. والكمبودي
.
اغتشاني طاري الذكرى وزاد الحاحه = لين نسّاني السلوم اللي بنتها جدودي
.
الغرام .. وشامته .. وعيونه الذباحه = والهنوف .. اللي خلقها الله تبيح سدودي
.
احتوتني بالغرام .. ولبّستني وشاحه = وعلّقتني في رجا فكري وقدح زنودي
.
تعتبرني الشاعر الاول .. ونجم الساحه = وتستهيم بكل بيت .. وتقرا حتى ردودي
.
ولا شكرت مجاملتها .. قلت يا مزاحه: = يرحم الله مطلق .. وعبدالله المسعودي
.
الوكاد انها تدكّ الفكر .. ثم تجتاحه = وكل ليل اضم صورتها .. واشد عضودي
.
وانصدمت .. وشرهة الشاعر على مسباحه = لكن الله لا يضيّع جهدي ومجهودي
.
صارحتني .. تحت بند ان الصراحه راحه = ساعةٍ تشبه ملامح يومي الموعودي
.
صبحتني بالختام .. وخاتم التصباحه = واحترق كرتي وانا في خدمة الموجودي
.
ما درت عن واقع الفرقا .. وقو سلاحه = لا قعد ينفض خفوقي لين يكسر عودي
.
آآه .. ليت الله عطاني صدر مثل الواحه = يستظل به الزعل .. لا ربّع المنقودي
.
كان ما رِبّط جناح الطير في ملواحه = وكان ما طاحت لهات الحاشي المفرودي
.
وليتها يوم اقفلت بابي .. خذت مفتاحه = يمكن انها تفتحه وتحنّ لي وتعودي
.
مير سوقي الغيم عني يا هبوب الباحه = دام ما ضحّك بروقي .. غير بكيْ رعودي![/POEM]
هيك القصيد والابلاش
خالد لواني ماني راضي عليك
بس الحق ينقال مبدع مبدع مبدع
صح لسانك مليون مليون مليون
تحيات اخووك
|