[POEM="font="Simplified Arabic,5,black,bold,normal" bkcolor="transparent" bkimage="" border="groove,4,seagreen" type=2 line=0 align=center use=ex num="0,black""]هجرس الخاطر وبالله استعنا=ربي الخلاق والعبد مخلوقي
والقصايد حضرت منا ومنا=لجل انا والشعر عاشق ومعشوقي
ومن بعد ما قامت اغصونه تثنا=ما لهاجوسي ليا ناديت عوقي
مير بعض من الهجوس يشوقنا=وأقطف اطيبها مثل قطف العذوقي
وبعض منها يابن عمي يمتحنا=مانسوقه لو نسوق العوب سوقي
شامنا قام ايتشره من يمنا=مير باب الشر بالخير مغلوقي
والنفيعي من زمانه ما تهنا=من قريبين النحايا والرموقي
واسند الشكوى على زبن المجنا=ووصلت الشكوى قبل فك الريوقي
والدعاوي والهقاوي هولنا=واصبحت بين الحنايا والخفوقي
وجيت ابا اخذ حق مير الله يمنا=الغريبه بعدها صرت محقوقي
وكان تبغى الشور جاك الشور منا=لا تدرق واحتذر سهم الدروقي
وكان لاح البرق والرعاد دنا=المطر بعضه خطر لو هو يشوقي
سجها يابو بدر مع درب اهلنا= العوارف ما يغرون الوفوقي
وانت قلته((دون شك ودون ضنا=العداله تقطع ايمين السروقي))
حط معدال(ن) يعدل اللي هفنا=واهرج بدعوى (ن) لها مغزا وذوقي
عند قاض(ن) في القضايا ما تونا=وكل مطرود(ن)قريب من اللحوقي
وكا واليا ما حصلك ما تمنا=دقن من لا يعرف الحق محلوقي
وصك باب الشر حتى يرجهنا=وارفق ارفق ما طيب الرجل الرفوقي
وكاصارت سن في مجزاة سنا =وحده بوحده وشيطان محروقي
والليالي صدرن ووردنا=قل ما تلقى عباه بلا فتوقي
ومن هرجبك بالقفا لا عاد ثنا=القفيا عادت النذل الطفوقي
وان عرضلك ثم تدنا لا تدنا=زينة الاخلاق في الرجل الخلوقي
وإن ركبك الحق ساو ولا تجنا=والغروب اكيد قدامه شروقي
من هدم بيته مع ابيوت(ن) تبنا= مايحصل لا صبوح ولا غبوقي[/POEM]