سطا بالقلب سهـمٍ مـن عيونـك
...........................وطلبت الصلح منك وزاد كونـك
الا ياليـت تنظـر فـي صويـبٍ
...........................قطع عهداً علـى انـه مايخونـك
الا ياليـت تشفـق بـه وترحـم
...........................وتشوف اللي حصل به من طعونك
وترحـم واحـداً ماحـب غيـرك
.............................ولااظنـه يبـي يسـلا بـدونـك
بـدا حبـك يقربلـه نصـايـب
.............................وكانـه مـات ربعـه يلعنونـك
عليك اجـاوب الورقـا بنوحـي
.............................اجاوبهـا عقـب قفـت ظعونـك
ليا منـي غفلـت اشـوي غنـت
..............................الا ياورق وش هيـض شجونـك
حمـام الـورق انـا طالبـك بالله
..............................لاعاد اسمعك تزعجلـي لحونـك
ليـا غنيـت عـن سمعـي تبعـد
..............................انا مشطـون ماشونـي بشونـك
الله الله الله
الله الله الله
ياسلام ياسلام
شكرا لشاعرنا القدير مشعل ابن عبدالله ابن عون على ذا القصيده الجزله من شاعر جزل ولانستغرب
منه الجزاله لانه من تلاميذ العلم الشاعر الكبير الاستاذ عبدالله بن عون صاحب الابداع الجزل والاخلاق العاليه وهو قدوتن في جميع العلوم الطيبه
تقبل تحياتي وتقديري
اخوك حسين الدوسري
|