أحبتي ..
كل ماغنمته في معركتي مع الذكريات ..
أتمنى أن تجدلهامكان بقلوبكم ..ذائقتكم ..

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مريت بيته ..واستحيت ألتفتْ له=معقول بعد أربع سنين إيعرفني؟!
مريت بيته ..والجروح أهتفتْ له=تقول:شفني بعد غيبتك شفني
ياماتحت حدب الضلوع أنزفتْ له =وياماسهرت..ومنبت الشوك جفني
وياماعيوني بالدموع أذرفتْ له =وياما الولع سيطرعليّ ونسفني
حتى كتبت الشعر نقضه ..وفتْله =أوقل:عسفت الحرف حتى عسفني!
بأوراقي اللي بالشعور أسرفتْ له=وأمطر شقاي ..وضوح برقه خطفني
للذكريات اللي ليا سولفتْ له =حسّيت في برد الشتا يلتحفني
وأهذي شجن رطب الشفاه انشفتْ له= وأتوب لو ذنب الكلام اقترفني !
وأبوح له بأحلامي اللي هفتْ له=وأزهرلشوفه ورد ..حتى قطفني
وأتّذكره ..يوم الشموع أنطفتْ له= وأظلم طريق ..وريح همّي عصفني
ليلةمراسيم الوداع أوقفتْ له =ليلة فرح فيها ضياعي عزفني
للحزن ..وطيور السعد رفرفتْ له =نصيب ..وأول حب ماأظن يفني
هذي بقايا داخلي ماأختفتْ له=بأسبابها ..ياماحنيني كشفني !
مجنون لو قلت المشاعر وفتْ له !=ومدري على عرشه من اللي خلفني؟
يمكن نسيني ..والليالي صفتْ له=ويمكن بعد بالذاكره ماحذفني!
لكنّه أوّل روح روحي لفتْ له =وأوّل وليف من الولايف ولفني
واليوم ماضي يستحيل ألتفتْ له =وأبعذره لوشافني ماعرفني !
محبتي ..
أبوشاهر [/POEM]

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ