[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله لا تخلي البلد من هل الدين=هم قدوةٍ للناس عقب الصحابه
ولادام عز الدين حنا قويين=والله يقوي فالجزيره شبابه
اللي على منهج هل الخير ماشين=مافات يومٍ خايفينٍ عذابه
وأبا أنصح اللي يسمعون المواذين=جيران بيت الله ولاليذ بابه
اللي ملهيهم مزامر شياطين=اللي ضمايرهم دخلها صلابه
صلوا مع اللي فالمساجد مصلين=في طاعة اللي مرتجينٍ ثوابه
وياللي تركت الدين بالله على وين=ماقدمك الا مسكنٍ يندعا به
يبنى علاك الطين مابان جالين=جرفٍ يجي مترين يهدم ترابه
أو منازلنا على الشين والزين=والله يهوّن وحشة اللي لجا به
وحنا طروشٍ بالركايب مقفّين=كلٍ يزوّد يالنشاما زهابه
قدام يومٍ للملا شيّب العين=ليالفاه العبد نوّخ ركابه
فتّش زهابه والجوارح براهين=واللي وراه من المحاصيل جابه
خفّت موازينٍ وثقلت موازين=وراع العمل فالآخره ينجزا به
ناسٍ شقيّينٍ وناسٍ سعيدين=وكلٍّ على المكتوب سلّم كتابه
ويفوز بالجنه عبادٍ تقيّين=الكل منهم سلسبيلٍ شرابه
والغافل اللي يقسم الوقت قسمين=وبينه وبين الدين مثل الضبابه
لابد مايرجع على الحق ويلين=مثل المريض اللي يداوي صوابه
ويقول من نومة هل الكهف واعين=رديت قلبي عن عذابٍ شقابه
ياليتني طعت الولي من هك الحين=ورديت قلبي عن عذابٍ لها به
وحنا مع الدنيا عن الدين لاهين=الصبح لايصعب علانا جوابه
لمطارد الدنيا عيالٍ نشيطين=وعجّل علانا الوقت محدٍ درابه
والله يعز أهل الوطن قولوا آمين=والدين حظ اللي تحلّى بآدابه[/POEM]

.
.
.
"مرير الحبيــل "

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348