السلام عليكم ورحمة الله وبركاته



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


البارح السالفه عدة حدود النطاق= لين اختلط في مخبتها زفير وشهيق

ننسى ونذكر وننسى والخطايا تساق= نلعب على الليل والشيطان معنا طليق

واليا اجتمع ليل واحباب ومذاق ومذاق = لعل صبحِ يعكر جونا مايفيق

ولعل ليلِ بدا بالضحك قبل العناق = تبطي علينا نجومه من سماها تويق

تظلم به افاق كون ويشتعل فيه افاق = حتي غدا للمجره في ظلامه بريق

بعد دخلنا حدود الصمت والبال راق = والليل طرف دخلنا فالكلام العميق

نشبع ونروي ضمانا قبل وقت الفراق = واختار بين الرحيق وبين جمر الرحيق

كني مع الصبح واجمل سالفه في سباق = من مدخل اول طريق لمخرج اخر طريق

كلامها صدق واحلى من كلام النفاق = مثل التقرب ومثل مجاملات الصديق

اشد فيها وثاق اخوف واطلق وثاق = البوح واستاذن الاطراف فيما يليق

بسمى لقى يجمع الاحباب عقب اشتياق = ثلثيه مرت بي الساعات وانا غريق

ليلِ جمع في دجاه الثلج والاحتراق = تحالفوا في ظلامه تحت عهدٍ وثيق

مابين عاج الاراءك والحرير الرقاق= حملت نفسي من الثنتين مالا تطيق

اغيب واذوب مثل الحق فارض العراق = واصحى وارتب من الاحلام بيتِ عتيق

يوم استرديت عقلِ غاب والنور ساق= واقفى جنوني وانا كني بوادِ سحيق

قلت الحق الليل واثر الليل صعب اللحاق= والنور شعشع وكنه في عيوني حريق

صحيح من قال حال اهل الهوى في شقاق = اما عتاب وزعل والا الاماكن تضيق[/poem]