|
(( رَكْـب الجرح,,))
بسم الله ,,
ايها الاحبه
اليكم هذه الاحرف المتواضعه لعل وعسا ان ترتقي لذائقتكم الرفيعه
[poet font="Simplified Arabic,5,black,normal,normal" bkcolor="transparent" bkimage="backgrounds/8.gif" border="none,4,gray" type=2 line=350% align=center use=ex length=0 char="" num="0,black" filter=""]
عارضت رَكْبَ الجرح وَاشْعَلْت قافي = مجبر بعد وقتي حدتني ظروفه
جرحٍٍ(ن) عن يميني وجرحٍٍ(ن) خلافي = وجرحٍٍ(ن) يباريني وجرحٍٍ(ن) اطوفه
وجرحٍٍ(ن) تفرشته وجرحٍ(ن) لحافي = وجرحٍٍ(ن) تراودني بنومي طيوفه
وجرحٍٍ(ن) تعلّق بالظلوع النحافي = وجرحٍٍ(ن) عجزت ابلغ مكامن وصوفه
وجرحٍٍ(ن) ليا من قلتله بس كافي = كشّّر عن انيابه وجرّد سيوفه
هذا ولو هالجرح ماهوبْ خافي = كان انهبل من جرح قلبي يشوفه
جرحي عطيب ولالهالجرح شافي = سبّت وليفٍ محريٍ(ن) بالنكوفه
أبعد وغرتني مزون الفيافي = والوقت قاسي مارحمتني صروفه
والعمر مرّولالفى منه لافي = والهم من يقوى تشيله كتوفه
ولو الهوى مابه صدود وتجافي = والله مارددت قولة حسوفه
ويامن تقول لجرح قلبي عوافي = الجرح ياسلمان مابه مروفه
الجرح صكّات السنين العجافي = لاحلّْ دارٍٍ حل فيها مخوفه
والجرح ريح محمّله بالسوافي = تخفي معالم واضحات معروفه
حاولت انا بْعِدْ مركبه عن ضفافي = لكن عجزت وخفت لحظة وقوفه
وسايرت رَكْبه وِانْكِتَبْ فيه قافي = مجبر بعد وقتي حدتني ظروفه
*********
ولكم مني أجمل تحيه,
أخوكم,,
محمد القثامي,,
[/poet]
|