يوم أن بعض الناس طبعه مدمـا
يأكل لحوم النـاس زور وضليمـه
بأعـراض خلـق الله بنـكٍ ينمـا
تجارتـه مامـن ورآهـا غنيمـه
عن منهـج الأبـرار كنـه مغمـا
وعطبان حتى من لسانـه نديمـه
أذني عن هروج المقاريـد صمـا
ما صغيتهـا لمروجيـن النميمـه
احفظ لساني واحفظ النفس عمـا
يهينها وأصبح بموقـف هزيمـه
وأصير شمتـه للحقيـر المسمـا
اللي تحلـى بالصفـات الذميمـه
وعن الوطا مرقاي في راس زمـا
عزيز نفس ولي كرامـه وشيمـه
أقراء الكتاب وحافظٍ جـزء عمـا
مؤمن بمن يحيي الغصون الهشيمه
ولا أفكار غيري لا حشـا ماتهمـا
عنـدي قناعـه ماتبنـا العقيمـه
ولا أفعال غيري يامـلآ ماتسمـا
الا ليـا جالـي عليهـا وسيمـه
ولا أجامل المخطي لـإِمـا وأَمـا
لي مصلحه والا لنظـره سقيمـه
وفي واجبي حريص مانـي معمـا
ابذل جهـودي والنوايـا سليمـه
مير الزمن ماهو معي بخو شمـا
ليا قلت يصفي يقفي السيل ديمـه
مـره يهادنـي ومــر يتحـمـا
علي واصمدلـه وكلـي عزيمـه
أكابـده بالصبـر والعـزم لـمـا
ياتي فرج محيي العظام الرميمـه



ياسلام عليك ياشيخ


صح لسانك صح لسانك



تحياتي