دام النوايـا سـود وأهدافهـا جـرد
نوحي على غصن النـدم ياحمامـه
يا اللي زرعت الشوك ماتقطف الورد
لوتسقـي أشجـاره ليـوم القيامـه
العمر لويشفع لوجهـة نظـر فـرد
قبلك شفـع لأبليـس عـود الندامـه
واللي خلق يوسف خلق قبله القـرد
يـا الله عليـك العافيـه والسلامـه
لاتحسب إن المرجله طاولـة نـرد
حظك نصيبك طيـب وإلا رخامـه
لو إنها تشحن على الباخـره طـرد
كل ٍ شرى له من طرفهـا عمامـه
عشقة حليف الجود ومصخّر الشّـرد
حـرٍ يمـوت ولاتمـوت الكرامـه
ولا أقول أنا اللي حارد ٍ خامها حرد
أنـا فهيـم وغيـري أكثـر فهامـه
من لايشب النـار مايطـرد البـرد
يدفن وبرده جامـد ٍ فـي عظامـه
ونهاية الموضوع لو طـوّل السّـرد
حقي على وجـه الزمـان إبتسامـه
الله الله الله يبو مقبل
صباح الانوار ويا مرحبا وصح لسانك
سعيد والله بكل ما تخطه من ابداع
اعجابي ومحبتي يالاسد
اخوك
|