دام النوايـا سـود وأهدافهـا جـرد
نوحي على غصن النـدم ياحمامـه
يا اللي زرعت الشوك ماتقطف الورد
لوتسقـي أشجـاره ليـوم القيامـه
العمر لويشفع لوجهـة نظـر فـرد
قبلك شفـع لأبليـس عـود الندامـه
واللي خلق يوسف خلق قبله القـرد
يـا الله عليـك العافيـه والسلامـه
لاتحسب إن المرجله طاولـة نـرد
حظك نصيبـك طيـب وإلا رخامـه
لو إنها تشحن على الباخـره طـرد
كل ٍ شرى له مـن طرفهـا عمامـه
عشقة حليف الجود ومصخّر الشّـرد
حـرٍ يمـوت ولاتمـوت الكرامـه
ولا أقول أنا اللي حارد ٍ خامها حرد
أنـا فهيـم وغيـري أكثـر فهامـه
من لايشـب النـار مايطـرد البـرد
يدفن وبـرده جامـد ٍ فـي عظامـه
ونهاية الموضوع لو طـوّل السّـرد
حقي على وجـه الزمـان إبتسامـه
أنـا فهيـم وغيـري أكثـر فهامـه
أنـا فهيـم وغيـري أكثـر فهامـه
أنـا فهيـم وغيـري أكثـر فهامـه
ماأجمل الشعر الجزل الوافي حينما يقترن بالتواضع والثقة في النفس
صح لسانك يافارس العصيمي وبيض الله وجهك والله يكثر من أمثالك في
هذا الزمان اللي ابتلانا الله فيه بمستشعرين كلما صف الواحد منهم كلمتين
شاف نفسه المتنبي والبحتري الله يعافيهم ولايبلانا...
المبدع فارس : سجل إعجابي ودوام المتابعة بحول الله
|