[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياللي سوالفك حلم .. وشوفتك مستحيل = عليك الاشواق تشرّ لك بكفيّنها
قلّي متى ترحم المشتاق ياأعذب خليل = هذا وانا خلّك اللي طرقته وينها
لويطوي البيد ويعدّي طويل الطويل = على ملام الجروح وسّم سكيّنها
يصبّر القلب والهاجس فتيل وصهيل = يشبّ في خاطره ويدّك من حينها
والشعر جزل الكلام وكل معنى جزيل = ويكفيني أكتب شعوري حسب تلقينها
إسمع قبل لاتضيع السالفه بالدليل = حجّة غرامي على شاهد براهينها
والله ماكنت أحسب إن المدامع تسيل = من فوق خدّي بعد فاضت بثنتينها
أدرى سببها عن جروحي وحالي عليل = ولاهدت عنها.. تعوّد تلعن إختينها
يافاتنه كلمتين ونظرتين .. وسبيل = أمانتك عقبها .. لاعاد تنسينها
دايم عيون المسافر لانوت بالرحيل = تلدّ فالدّار .. وتوّدع محبيّنها
وفرقا الحبايب صعيب ولا لمثله مثيل = الله لاينصر الفرقا .. ولادينها[/POEM]