غالب الشريف

بسم الله

.
.

س1 : أمنية تتمنى أن تتحقق لك في رمضان ؟
إني أصوم و أقوم بإخلاص لله ليلة من ليالي رمضان ويقبلها الله و تصادف ذاك الليل ليلة القدر

س2 : الـفتره التي تفضلها و ترتاح فيها في رمضان ؟
بين المغرب و العشاء

س3 : شيء مرتبط في ذهنك من يوم يطري عليك رمضان ؟
كورة الطايره

س5 : أكلتك المفضله في رمضان ؟
المعجنات لا مني تواسيت لها و أنا طويّـان

س6 : برنامج مفضل تحرص على متابعته في رمضان ؟
طاش ما طاش سابقا"
من العام و قبله لم اشاهد الا حلقات معدوده

س7 : الشيء الذي لا يمكن أن تستغني عنه في رمضان ؟
التصبيره اللي من الساعه 11 إلى 12 منتصف الليل

س8 : عمل تعمله يوميا" في رمضان ؟ وعمل تنصح به الاعضاء بعمله في أيام رمضان ؟
القرآن و القراءه في بعض الكتب لا سيما كتب التفسير
بالمناسبه انصحكم بكتاب للشيخ عائض اسمه ( التفسير الميسر )
هو عباره عن سطر قرآن و تحته سطر تفسير و هكذا سهل جدا" جدا" انا متأكد لو قرأته
فأنت تقرأ قرآن و تفسير و تستطيع ختمه في رمضان اكثر من مرّه
يعني تفسير و قرآن ختمه وحده
والله يا أخواني انه كتاب عظيييييييييم
شوفوه وعلموني

س9 : موقف طريف صار لك في رمضان ؟
مره وانا ذيك السنين ادرس في الرياض عزمت لي ربع على فطور
المهم جو كلهم قبل الأذان واللي على الوقت الا واحد منهم مدري وينه ما جا مع انهم يقولون انه
جاي في الطريق
جلست انتظر الرجال - اذن المذن ما عينته و دخلت و افطرنا
يوم حنا طالعين للمسجد الا وذالليموزين يوقف والا خوينا معه و ادخل الرجال يفطر و أنشده قلت انت وينك تأخرت ؟؟
قال انا جاي في الطريق ( الرجال جاي على الوصف ولا معه جوال ) المهم يقول دخلت الحاره ولفيت
( لف قبل اللفه حقتنا ) يقول شفت المسجد اللي انت تقول و سألت لي واحد قلت يا ولد وين ( بيت الأشراف ) اللي هنا ؟؟
قال هذا هو
يقول الا ذي السيارات والعالم و انا اجيك طاير و ادخل عليهم و يقومون يرحبون و يسهلون
يقول و اتلفت ؟
لا والله ما فيه مخلوق قد شفت ( بوهته ) من قبل
يقول كلهم يطالعون في من يوم اني جلست ( دارين انه مضيع الجاده )
المهم يقول قلت يالربع ( غالب ) وييييييينه ؟؟
قالوا وش غالب ؟ قال هذا مهوب بيت ( الأشراف ) ؟ قالوا الا وصلت حنا ( أشراف )
قال : ها وين غالب ؟ قالوا ما عندنا احد بذالاسم انت الظاهر انك تبي لك عرب غيرنا مير والله ما تعدّى
يقول قلت انا معزووووووم وكثر خيركم يقول و يحلف علي شايب عندهم يقول كليت لي ( فذّه ) وشربت لي كاس ماء
وجيتك امشي الطبلون و زين اني لقيتكم بالصدفه
المهم انهم طلعوا ( اشراف ) جيرانن لنا ما درينا عنهم
( يا عنك ان ذالرجال مبروك )



س10: بإختصار كيف تقضي يومك في رمضان ؟
الصباح الساعه 10 يبدى دوامنا في الجامعه الى 2 ظهرا" واحيان الى 3 ظهرا
3 - 4 نوم
4-6.30 قراءة قرآن

اذان وفطور
بعدها قهوة وسوالف و ضحك <--- ايه تطلّـقت شياطينهم
طاش ما طاش او نخليها سوالف بدون طاش لأننا نظامنا نفطر ( دوول ) يعني ( تداول )
كل يوم في بيت واحد من الجماعه بعضهم ما عنده الا تلفزون واحد صاكين عليه ورعانه داخل البيت

صلاة العشاء + تراويح

اروح للإستراحه عاد الإستراحه ذي علومها علوم
جعلك ما تشوفها ذيك الايام ( ايام الزير سالم )
يوم إن ابن عباد قال ( بشسع نعل كليب ) تلازمنا بالحلوق

المهم
كورة طايره الين يجي وقت السحور
اروح اتسحر وأقرى قرآن الى الفجر
و نومه


.
.

والسلام

.



الموقع بعشر لغات .!
http://mohammad.islamway.com/


ديواني