قصيدة الشاعر / مشاري بن سلطان بن ربيعان من شيوخ الروقه من عتيبه


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]مانيب هلباجٍ على النوم نعاس = همه طعامه لين كرشه ملاها

ادرج الدنيا بالافعال وقياس = نسعد عيون وعين نسحن دواها

لاضاق صدري جبت نجرٍ ومحماس = ودلال بيض ٍ غالي مشتراها

قم سو فنجالٍ على خمسة اجناس = احذر تجي حرقه وبالك نياها

خلك لها عن كل عذروب حساس = قيس لها الطبخه على قد ماها

حتى يجي فنجالها يجلى الاعماس = عقب الصلف والسهر ماكبر غلاها

خصص مشاكيلٍ على النار جلاس = حبوس الرجال اللي بعيدٍ مداها

بدوا به للي للمعادين نطاس = مودع سمان الهجن يثلغ حفاها

والثاني للي يثني العصب بالراس = في ربعةٍ يشبع بها من نصاها

والثالث للي يحتمي دن الافراس = لاروحت خيلٍ بخيلٍ حماها

وباقى الملا لو ماتقهويه لاباس = هذارة المجلس قليلٍ حلاها

لانافعٍ ربعه ولاحاش نوماس = ضباط مال ولايذري ذراها [/POEM]

تدري وش اكبر هم لاجاك ناصيك = ليا جاك محتاج ومصيبه خلافي

ليا جاك يطلب وانت تقرع مخابيك = ودك بعلم الطيب والوقت جافي


ديــوانــي fs7-@hotmail.com