كل ما طوّحت بالصّوت يا سعود الجريح
طوّحت بي علّةٍ(ن) في ضميري خافيه
واهني اللّي من الهم قلبه مستريح
ما شكا قِل المواصل .. وقِل العافيه
والاّ أنا ياوجد حالي عقب فرقا المليح
وجد قرمٍ(ن) خيرة ابناه .. ظوّه طافيه
حافظٍ(ن) عهده .. وسدّه فلا والله يبيح
لين قبري فوق حيده ..تهبّ السّافيه
ويا عذول أهل المحبّه إذا تبغى الصّحيح
حيّ عشق اللّي هواهم بنيّه صافيه
ما اعرفوا حب المصالح وعثرات المِطيح
في ظروفٍ(ن) خلّت الحب سِمعه هافيه
كل ما هبّت من الشّرق والاّ الغرب ريح
يمّمت بي صوب دارٍ(ن) لخلّي ظافيه
اشهد إن الهم .. والوقت .. والحظ الشحيح
لاوزن في جوف رجلٍ(ن) .. لموته كافي
ارررررررررررررررررحب يابو راشد
صح الله الساااااااانك يامبدع
قصيده اكثر من رائعه
سجل اعجابي
|