السلام عليكم

وكل عــام وانتم بخير


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عيني اللي من وصال أحبابها محرومه= مالقت عقب الحبايب واحدٍ يرحمها
حزنها بادي وفيها دمعةٍ مكتومه= دمعةٍ لازاد همي ليني مولّمها
ضاق بالي والسعاده داخلي معدومه= والتعاسه بينٍ في ناظري مقدمها
منطوي والهم يأخذ فوق راسي حومه= كنه الغيمه وبرّاق الوجع قاسمها
صابر ومن جاه ماجاني تضيع علومه= والله انّ تمّره الأنسام ماينسمها
وحدي ومن كان وحده بيغدي بهمومه= يبني صروح الهواجس جوفه ويهدمها
فاقدٍ بنت الكرام الغضّه المحشومه= وخايفٍ لا الشوق يأخذني وأصيح أزهمها
خبري ابها مثل حلمٍ قاطعته القومه= ذكرياتٍ ودي أرجع واغفي وأحلمها
لابدت قلت أقبلي يالحلوه النّعومه= حي والله شوفتك ياجعلني ما أعدمها
تنظر لعيني بعينٍ كن فيها نومه= وتبتسم مدري تبسم عينها أو فمها
عطفها في داخل فوادي تفيض غيومه= أكرمتني بالحنان ولاقدرت أحرمها
من غرامٍ في ضلوعي جذوته مضرومه =لاخبت ناره شوي يولعه مبسمها
بعد ذا غابت وبعثر فقدها المنظومه= وقمت ببيوت القصيد أعيدها وأنظمها[/POEM]