السلام عليكم ,,

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله و اكبر تطوّرت و كبر مستواك=واصبحت شاعر كبير وناقد الله لنا
العام كنّا نمرّك ما نسلّم علاك=ولا اذكر انك تشرّفت و جلست معنا
واليوم ماعاد باقي غير نطرد وراك=ونقول لازم تقهوا القابله عندنا
وانت الحقيقه فقير وفارغاتٍ يداك=ولا لك مع اهل الوفا و الطيب سيف و قنا
اشوف صار الك ماشاء الله نظام اشتراك=في بثّ الاعلام مع نوره و نوف و رنا
رزّوك واصبحت رومنسي و حلو ٍ نباك=وعنّيت عندك جماهيرك ياليل العنا
وانكرت ابوك وجماعتك و جميع اخوياك=آثرك ضنوة خساره نعنبو ذا الضنا
ان كان غرّك قصيدك بين هذا وذاك=اللي بنا ما هدم و اللي هدم ما بنا
ترى قصيدك وصنفه مثل صنف البلاك=نوعه محرّم وحكمه مثل حكم الزنا
يعني على شان ما ازعلّك واقلع مداك=مافيه داعي تخرّبها و تبلش بنا
انا تراني هذا لا تحسبني هذاك=هذاك ماهوب انا والله وهذاه انا
مدري تباني هنا والا تباني هناك=والا تباني على شانك هناك و هنا
ان كان في نفسك انك شاعرٍ ماسواك=تراك لا شيّ بالنسبه لنا كلّنا
من غّرته نفسه ودنياه شاف الهلاك=يابن آدم اخر حياتك كلها للفنا
ان كان حققت مطلوبك و غاية مناك=لا بد تثني على ربّك جزيل الثنا
مار اشكر الواحد المعطي على ماعطاك=تراك عن ربك المعبود مالك غنا[/POEM]